Опозицискиот лидер Венко Филипче е упорен да ги внесеме Бугарите во Уставот, но секоја отстапка на македонската влада без гаранции, може да оди до недоглед и Македонија повторно да остане надвор од ЕУ.
Дел од политичките аналитичари стојат на ставот дека европските принципи и меѓународното право мора да важат еднакво за сите држави, а не селективно и само кога станува збор за Македонија. Бугарите да се внесат во македонскиот Устав, а на Македонците во Бугарија се уште не им се признаваат основните човекови права. Оваа состојба се коси со меѓународното право, а гаранциите што ги бара Владата се природна реакција, подвлекува аналитичарот Самоил Малчевски.
Во однос на техничката влада за која исто така Филипче упорно инсистира да се одржи во живот, Малчевски вели дека е непотребна и бесполезна. Особено што минатата недела парламентарното собрание на Советот на Европа го призна одржливиот напредок на Македонија во демократијата, владеењето на правото, заштитата на човековите права и соработката со нивните тела. За Малчевски нејасно е зошто лидерот на СДСМ се уште инсистира на овој модел.
Внесувањето на Бугарите во Уставот е дел од обврските од т.н. француски предлог за продолжување на евроинтеграциите кој со широко отворени раце го прифати Влдата на СДСМ и ДУИ, додека експерите и тогаш предупредуваа дека прифаќањето на предлогот е голема грешка за Македонија. Владата останува на ставот – уставни измени нема да се случат, без јасни гаранции од официјална Софија дека нема да има нови блокади и дека ќе се почитуваат правата на Македонците во Бугарија.
