Пијан Кавадарчанец полово ја нападнал ќерка му, а двајца Неготинчани имале сексуални односи пред малолетник. Тиквешијата ја потресоа двата случаи на педофилија, за кои Јавното обвинителство во Кавадарци веќе отвори предмети. Во едниот случај, таткото од Кавадарци, кој често бил во алкохолизирана состојба, ја допирал ќерка му, која имала само 13 години.
„Тој во алкохолизирана состојба го допирал девојчето во повеќе наврати, со што постои сомнение дека сторил кривично дело од ставот 5 на членот 188 за кое е запретена казна затвор од најмалку три години“, велат од Јавното обвинителство во Кавадарци.
Во другиот случај, две лица од Неготино, силувале 14 годишно дете. Во јуни лани, едниот од сторителите го силувал малолетникот, за што му платил, а потоа го приморал да ги снима со мобилен телефон, додека имал секс со вториот осомничен.
„Во јули лани, додека детето имало 14 години, еден од двајцата осомничени повеќе пати го наведувал малолетникот на сексуални односи со него за што му давал одредени парични средства. Јавниот обвинител предложи мерка притвор за осомничениот за силување на дете“, велат од Јавното обвинителство во Кавадарци.
Јавниот обвинител предложи мерка притвор за едниот од осомничените за силување на дете, за кое е запретена казна затвор од најмалку 8 години.
