Робусна акција и ресет на судството коишто треба помогнат да се врати довербата на граѓаните во системот и да се направи чистка, ќе се случат по локалните избори. Премиерот Христијан Мицкоски не отстапува од намерата да се прочистат судството и обвинителство од како што вели контаминираните поединци кои ја сведоа довербата во институциите на поразителни 2 %.
Претходно лидерот на СДСМ Венко Филипче, остро реагираше на најавите на премиерот за ресет системот. Тој го обвини Христијан Мицкоски дека не сака реформи во правосудството, туку дека сакал судство скроено по свој терк како во времето на неговиот претходник.
На републичкиот обвинител Љупчо Коцевски иако му е изгласана недоверба од Парламентот, тој и натаму е на функцијата. Судиите и обвинителите, пак реагираат дека Владата не им дава доволен буџет за да функционираат. Кубурат со кадар, но исто така се борат и за повисоки плати, иако имаат двојно поголема плата од просечната.
