Судскиот совет не утврдил погрешно постапување од ниту еден од трите судови кои се занимавале со случајот за смртоносното прегазување на 22-годишната Теодора Ристовска од Тетово. Тие детално наведуваат кој суд како постапил, па на крајот потврдуваат дека судијата Елмедин Ферати не направил грешка кога го осудил возачот Менсур Пајазити, кој ја усмрти девојката, на две години затвор. Од таму појаснуваат дека само возачот Ферати се жалел на пресудата, па според нив, тука се применува одредбата од Законот за кривична постапка, која вели: „Ако е изјавена жалба само во корист на обвинетиот, пресудата не смее да се измени на негова штета во однос на правната оцена на делото и на кривичната санкција“.
Судскиот совет исто така нагласува дека работите би биле поинакви ако на првостепената пресуда, кога возачот Пајазити бил осуден на три години и шест месеци, се жалело и Обвинителството. Во тој случај, при повторување на постапката, судијата можел да определи и повисока казна. Но, основното обвинителство од Тетово не поднело жалба, а Вишото обвинителство, кое го претставувала обвинителката Вјолца Елмази, прво барало потврдување на казната, а потоа се предомислило и барало пониска казна. Пресудата од две години затвор, која е конечна, беше изречена врз основа на оваа промена.
Од Обвинителството потврдуваат дека барале намалување на казната, но не очекувале толку значително намалување. Пресудата е темелена и на нивниот предлог, но немаат објаснување зошто тоа не било направено преку писмен предлог, туку прво барале потврдување на казната, а потоа побарале помала казна.
На извештајот на Судскиот совет веднаш реагираше ВМРО-ДПМНЕ, обвинувајќи го Советот дека го „газат правдата и ја уриваат државата“.
– Парасистемот на СДС и ДУИ во судството ја гази правдата и ја урива државата. Судскиот совет денес ја обелодени вистината – за нив, животот на Теодора вреди само две години затвор. Тоа е нивната „правда“. Срамна, понижувачка и целосно дискредитирана.
Како што велат од ВМРО-ДПМНЕ, сите членови на овој Совет се избрани од СДС и ДУИ во време на Заев и Филипче. Ова е нивниот Совет, нивната мрежа, нивниот инструмент за заштита на своите и покривање на криминалот. Ова не е изолиран случај. Ова е дијагноза на системот – болен, трул и партизиран до коска. Судии кои не се водат од закон, туку од партиска лојалност. Совет што не штити правда, туку крие срам.“
Тие додаваат дека овој систем нема да остане таков и дека ќе се воспостави независен судски систем, со правда и одговорност.
