Удавена со долг од околу 2 милиони евра, со блокирана жиро сметка,новото раководство ја затекнало струшката општа болница пред колапс. Со години не се плаќале сметки,најстарите фактури кои наместо да се подмират,фаќале прашина во фиоки,датирале од 2019-та година, па така долгот на болницата достигнал милионски суми изразени во евра. Затекнавме катастрофално лоша состојба и финансиски хаос вели директорот на болницата Владимир Бунчески.Тој откри на кој начин и како претходното раководство наоѓало пари за плати, цицајќи ги до денар сретствата од буџетот на болницата.
“Видете во тие два милиони евра голем дел отпаѓа на камати за застарени сметки и плаќање адвокати и извршители. Како функционирала? Си има определени средства кои доаѓаат од Фондот за здравство и кои не се предмет на блокирање за да се исплатат плати и придонеси и разни одбитоци. И она што ќе остане од тие средства се користи за плаќање кон коминтентни и други средства од партиципзации и од придонеси од наши сопствени активности“ -вели д-р Владимир Бунчески,директор на Општа болница Струга.
Веднаш превзедовме мерки за одблокирање на жиро сметката преку спогодби со доверителите и репрограмирање на долговите и нивно исплаќање. Воведовме вели Бунчески строга финансиска дисциплина,внимавајќи при тоа да се платат најстарите факутирани долгови кои до тогаш се плаќале и паушално.И не се само долговите проблем,директорот затекнал превработеност.Партиски кадри се вдомувале во болницата.
“Претходната гарнитира на власт имаше навистина таму и каде што треба и каде што не треба вработувано личности со договор на дело.Oва е медицина каде што треба работа,каде што не може нов кадар да ги спремиш за еден два дена, па да го замени тој стариот искусен кадар од која сака партија нека биди тој “-вели Бунчески.
За да застане болницата на здрави нозе, раководството добило ветување од ресорното министерство дека финасиски ќе им помогнат да се спасат од долговите.Поради недостатокот на кадар во охридската и останатите болници во регионот,во општата болница во Струга се лекуваат пациенти од целиот Југозападен регион.
Росица Глобоска
