Сите недостатоци во кочанската болница каде се лекуваат двајца пациенти кои имаат потреба од преврски и околу 40-тина се рехабилитираат, се покриваат со стручен кадар од Клиничкиот центар и од Козле. Здравствените власти посочуваат дека цел оддел во „Осми Септември“ и на Клиниката за пластичка хирургија се спремни за пациентите на кои им треба понатамошно лекување. На располагање се дополнителни 35 медицински лица кои беа обучени од британските доктори за физикална и психолошка рехабилитација на пациентите.
- „Од овие 45 што ги обучуваа англичаните, само 10 се од кочанската болница. Останатите 35 можеме веднаш да ги пренесеме. Во постојана комуникација сме со директорката “ рече Јовица Андоновски – Заменик – министер за здравство.
Странските доктори препорачале рехабилитацијата да биде во Кочани односно пациентите да бидат поблиску до семејствата. Пластичка хирургија во моментов има 2 пациенти, но за сите повредени се обезбедуваат потребните терапии и лекарства, вели директорката Ѓорѓиевска Павловска.
- „Плазма богата погата со тромбоците, се даваат лепенки кај пациентите кај кои може да се појават лузни, се даваат заштитни креми со фактор“ Д-р Јасмина Ѓоргиевска Павловска – Директорка на Универзитетска клиника за пластична и реконструктивна хирургија.
Вкупно 11 пациенти од повредените во пожарот во Кочани се лекуваат во странство, а седум во Македонија. Од нив во Грција се тројца и тие се во добра, стабилна состојба, во Србија се четворица пациенти исто така во добра состојба, во Австрија е еден, стабилен и сместен на одделение, во Словенија е еден кој веќе посетува рехабилитација, а во Турција се двајца пациенти префрлени на одделение, на кои редовно им се прават преврски.
- „Во следните 4 дена , тим од специјалисти од КАРИЛ, Градската општа болница (ГОБ) ‘8 Септември’, Клиниката за хируршки болести ‘Св. Наум Охридски’ и од Клиниките за пластична хирургија и токсикологија ќе вршат еваулација на пациентите. Апелираме до сите да дојдат. И тие што не биле повредени и не биле хоспитализирани, сите да дојдат во Општата болница во Кочани“, рече директорот на Фондот за здравствено осигурување (ФЗО) Сашо Клековски.
Власта планира и реконструкција како на кочанската, така и на болница во повеќе градови бидејќи според заменик-министерот Андоновски со години ништо не било вложувано во здравствените капацитети.