Првиот заменик‑претседател на Владата и министер за европски прашања, Беким Сали оствари официјална средба со претседателот на Република Албанија, Бајрам Бегај, на која е дискутирано за актуелната политичка ситуација и за соработката помеѓу двете земји.
За време на средбата, како што информираат од кабинетот на министерот за европски прашања, двајцата соговорници размениле мислења за политичките случувања и за продлабочувањето на институционалната соработка помеѓу Македонија и Албанија.
Сали истакнал дека Албанците во Македонија се претставени на најдобар можен начин, играјќи активна и конструктивна улога во државните институции, придонесувајќи во донесувањето одлуки и во клучните процеси кои се поврзани со стабилноста, демократскиот развој и европската перспектива на земјата.
На средбата било нагласено дека Македонија и Република Албанија, покрај тоа што се соседни и пријателски земји, имаат и заеднички аспирации во процесот на европска интеграција.
