Во рамките на посетата на Струга, претседателот на Собранието на Македонија, Африм Гаши, денеска оствари средба со градоначалникот на Општина Струга, Менди Ќура.
Како што соопштуваат од Собранието, на средбата било разговарано за актуелни прашања од значење за локалната самоуправа, за потребите на граѓаните, како и за можностите за унапредување на соработката меѓу централните институции и општините.
– Гаши ја истакна важноста на отворениот дијалог со локалните власти, како значаен предуслов за поефикасно препознавање и решавање на предизвиците со кои се соочуваат граѓаните. Дополнително, на средбата беше разговарано и за можноста за отворање на пратенички канцеларии за контакт со граѓаните во Општина Струга – стои во соопштението.
Иницијативата, додаваат, има за цел да ја приближи работата на пратениците до граѓаните, да овозможи полесна комуникација со нив и да придонесе кон поголема транспарентност, достапност и отчетност на Собранието.
