Компаниите во Србија кои производат цемент, железо, челик, алуминиум, вештачко ѓубриво, но и електрична енергија, ќе плаќаат данок на загадување од 1 јануари.
Наплатата на овој данок ќе важи и за компаниите кои ги увезуваат овие суровини. Законот во процедура предвидува надомест од 4 евра по тон јаглерод диоксид, а со плаќањето на националниот данок локалните компании треба да бидат ослободени од плаќање на европскиот данок кој изнесува 90 евра по тон јаглерод диоксид и исто така стапува на сила на 1 јануари следната година. Министерството за финансии на Србија наведува дека целта на воведувањето на овој данок е да се охрабрат компаниите да инвестираат повеќе во обновливи извори на енергија.
