Две сопруги пријавиле физички напад и закана од своите сопрузи во Кавадарци и Неготино, информираа денеска од Секторот за внатрешни работи Велес.
„Вчера во 16.40 часот, полициски службеници од ОВР Кавадарци го лишиле од слобода Б.П. (37) од Росоман, постапувајќи по пријава од неговата 34-годишна сопруга дека во семејниот дом во Кавадарци физички ја нападнал. Б.П. бил задржан во полициска станица и по документирање на настанот против него ќе биде поднесена соодветна пријава,“ соопштија од СВР Велес.
Оттаму додадоа дека синоќа во 18.00 часот во Полициската станица Неготино, 34-годишна неготинчанка пријавила дека нејзиниот сопруг Б.Д., со кој не живеела заедно, ѝ се заканувал. Се преземаат мерки за расчистување на настанот.
