Реклама

Хаосот со кравите во Крива Паланка ја премина секоја граница, ВМРО-ДПМНЕ му нуди готов акциски план на градоначалникот Митовски

Последниот бугарски цар „политички некоректен“ кон Радев: Местото на Македонија е во ЕУ, историјата да се остави на историчарите

Пензиите, игрите на среќа и наплатата на даноци во фокусот на пратеничките прашања

Цанов објави нови пораки од Ива Михајлова: „Сите ќе умреме уште вечерва“ – барала да го повлече видеото за наводните притисоци од ДАНС

Владата ќе ги модернизира патарините, дигитализацијата и вештачката интелегенција треба да бидат во функција на побрзо патување

На повидок раскол во ДУИ: Груби и Османи, преку свои верни пиони влегоа во отворен судир за превласт

30-дневен притвор за Кристијан Корабоски, кој до бесознание ја претепа Сара

Панел-дискусии во Собранието по повод 35-годишнината од донесувањето на првиот Устав

Успешен старт на предвремениот откуп на тутунот – 435 денари за прва класа, најавено зголемување на субвенциите

Реновираниот студентски дом „Кузман Јосифовски – Питу“ ќе биде отворен во јануари, од февруари сместување

„Јавачи на трагедии“: Во отсуство на идеи, СДСМ спасот го гледа во злоупотребата на народниот гнев

35 години Устав на Македонија: Кратка, но и повеќе од бурна историја- до сега менуван осум пати, сега под бугарски притисок за нови измени

Македонија

Со „Кратки приказни“ вечерва почна 51. издание на Млад отворен театар

Со „Кратки приказни“ вечерва во Младинскиот културен центар во Скопје почна 51.…

Сподели:
Фото: Алфа Вести

Со „Кратки приказни“ вечерва во Младинскиот културен центар во Скопје почна 51. издание на Младиот отворен театар, чие мото е „Овојпат таа кажува“.

Фестивалот, што ќе трае до 24 ноември, беше отворен со „Кратки приказни“ на Театар Антон Подбевшек од Словенија, во режија на Сања Нешковиќ Першин – опишан како театарски експеримент што ги спојува класичната глума, физичкиот театар, танцот и кореографијата.

Пред присутните се обрати директорот на МКЦ Димче Арсовски кој рече дека станува збор за сериозна традиција што ќе продолжи во многу подобра организација; има добар репертоар. Тој изрази задоволство што на отварањето, салата е исполнета.  

Реклама

– Многу ми е мило што полека се враќа МКЦ на вистинските патеки, онаму каде што му е местото. Ова е препознатлив фестивал. Ова е фестивал низ кој многу генерации поминале, излегле многу сериозни актерски имиња, режисерски имиња, така што тоа треба да продолжи да биде и во иднина, да биде столб на онаа независна и современа театарска сцена, што и тоа како ни е потребна за да може да се прошират сите оние идеи што ги имаат младите во нашата држава кои сакаат и треба да творат – истакна Арсовски.

Во клубот на МКЦ вечерва ќе биде изведена и претставата „Последниот час по клавир“ на Театар „071“ – „Перипетија“, во режија на Нина Николиќ – интимна приказна за бегалството, осаменоста, припадноста и човечката блискост.

Програмата на 51. издание, како што е најавено, носи театарски продукции како од нашата држава, така и од регионот, но и меѓународни гостувања обединувајќи различни генерации авторки и авторски пристапи.

За утре на програмата е „Кокошка“ на Театар Вортекс во Театар Комедија, во режија на Теодора Силјаноска, комедија според текст на Николај Кољада, опишана дека преку иронија и апсурд ги истражува човечките слабости, суетата и потребата за признание и слобода.

Меѓу регионалните гостувања се издвојуваат „Манифест“ на Словенско младинско гледалишче и Глеј Театар, во режија на Татјана Першух, кој ги отвора прашањата за технолошкиот развој и неговите последици, потоа „Три жени“ од Србија, авторски музичко-поетски театарски проект што го истражува женското творештво и историското потиснување на женскиот глас, како и „Закопани чуда“ во режија на Нина Виолиќ, интимна мултимедијална приказна за љубовта, сеќавањето и минливоста.

Програмата продолжува со „Смртен исход од атлетските повреди“ на Моје позориште од Босна и Херцеговина, во режија на Тара Маниќ, како и концерт на Арбереше, уметница од Косово која живее во Швајцарија и создава современ музички израз инспириран од традиционалната албанска музика.

На 22 ноември на програмата е претставата „Свињи“ на Златен Елец во продукција на ЦК Битола, а во режија на Тамара Стојаноска, според текст на Томислав Зајец. Претставата ја следи приказната за две сестри заробени во сопствените животи и меѓусебниот однос отворајќи прашања за слободата, човечката природа и границите меѓу човекот и животното.

Во завршницата на фестивалот се и двата танцови перформанси „Надевај се на најдоброто – подготви се за најлошото“ и „Мочуришна драма“, во соработка со Локомотива; „Мојот маж“ на грчкиот колектив Процес, во режија на Марија Манганари, според расказите на Румена Бужаровска и „Ана – непоправливата“ на Арт центар Оренда од Бугарија, посветена на руската новинарка и борка за човекови права – Ана Политковскаја.

Целосната програма на фестивалот може да се погледне на веб-страницата www.mot.mk.