Во дворот на црквата „Св. Теодор Тирон“ во кривопаланечкото село Конопница денеска ќе се одржи 16-тото издание на културната манифестација „Невестинско поклонение на Свети Теодор Тирон“.
Манифестацијата ја организираат Општина Крива Паланка и здружението за рурален развој „Патник“ како една од најрепрезентативните и најавтентични симболи на нематеријалното културно наследство на кривопаланечкиот крај.
На манифестацијата учествуваат девојки кои склучиле брак во периодот меѓу двете Тодорови саботи кои ќе бидат придружувани од нивните свекрви облечени во традиционални народни носии.
Според информациите од локалната самоуправа пријавени се снаи и свекрви од Крива Паланка, Велес, Кочани и Скопје.
Манифестацијата ќе биде збогатена со музички настап на Андријана Алачки и бендот на Гоце „Синтезис“.
