Славески: Клевети од СДСМ, Стопанска банка Битола да преземе мерки да го заштити кредибилитетот

Гувернерот на Народната банка Трајко Славески, по денешните тврдења од опозициската СДСМ за преземањето на „Стопанска Банка АД Битола“ од страна на српска Алта Банка,  во пост на платформата X негира дека неговиот избор за гувернер бил поради „Алта Банка“  и ја охрабрува банката со седиште во Битола да ги преземе сите расположиви мерки за заштита на својот кредибилитет. 
 
– СДСМ прашува: „Дали изборот на Трајко Славески на чело на НБРМ беше поради Алта Банка?” Одговор: Не, не беше! За клеветите од страна на СДСМ кон банката со седиште во Битола, ги охрабрувам да ги преземат сите расположиви мерки за заштита на својот кредибилитет. Евентуалните приходи од добиените судски спорови најверојатно би ги донирале за поддршка на некој локален спортски клуб, стои во објавата на гувернерот Славески.