Скопје, уште една вест за која веќе навикнавме, но не дај боже да отрпнеме оти мора да се освестиме и да направиме се што може за да престанеме да го дишеме воздухот во нашата метропола кој утрината е најотровен во споредба со сите главни градови во Европа.
Скопје се најде на првото место на загадени градови во Европа, според податоците на специјализираната страница за мерење на квалитетот на воздухот „Ај кју ер“, индексот на загадување изнесува високи 178.
На листата најзагадени градови во светот прв е Делхи, потоа следуваат Лахор, Акра, Дака, Кабул, а Скопје е на шестото место.
Од европските градови во листата на топ десет најзагадени градови, нема ниту еден. Првиот град кој се појавуѕва во ова рангирање е Приштина која е на 27-мо место во светски рамки со индекс на загадување од 111.
Според Светска банка, загадениот воздух годишно убива околу 2 800 граѓани на земјава, а жителите на Скопје и Тетово се изложени на значително повисоки нивоа на токсични пм 2,5 честички, во споредба со граѓаните во земјите од Западна Европа.
