Скопје изутрината, беше четврти најзагаден град во светот. Пред, главниот град на Македонија, се најдоа Лахоре во Пакистан, Њу Делхи во Индија и Ханој во Виетнам.
Според податоците на платформата „АЈ-КЈУ-ЕР“, воздухот во Скопје беше означен во категоријата „нездрав“, со концентрација на „пм 10“ честичките, од 85,5 микрограми на еден кубен метар воздух.
Од градовите во регионот, најблиску до Скопје е Сараево на шестото место. И според податоците, од мерните станици на Министерството за животна средина, синоќа, на полноќ, во сите скопски општини, загаденоста на воздухот со „пм 10“ честичките, била над дозволената концентрација од 50 микрограми.
Според овие мерни станици воздухот беше загаден и во Тетово, Гостивар, Кичево, Битола, Струмица, Кавадарци и Куманово.
