Скопје повторно добива луна-парк: Проект вреден 10 милиони евра

По години најави и одложувања, Скопје конечно се подготвува за изградба на нов современ забавен парк во рамки на Градскиот парк. Проектот, чија вредност се проценува на околу 10 милиони евра, треба да донесе ново место за рекреација, забава и туристичка атракција во главниот град. Градоначалникот на Скопје, Орце Ѓорѓиевски, во гостување на утринската програма на Алфа, изјави дека покрај забавните елементи, планирани се и пешачки зони, зеленило, фонтани, угостителски објекти и дополнителна инфраструктура за посетителите.