Синдикатот на клинички предупредува на опасно празнење на јавниот здравствен кадар

Синдикатот на вработените во Клинички центар „Мајка Тереза“ предупредува дека јавниот здравствен систем се соочува со сериозен недостиг од кадар, бидејќи приватните болници сè почесто ги преземаат дефицитарните здравствени работници. Според синдикатот, ова ја нарушува стабилноста и функционирањето на јавните клиники, во кои државата долги години инвестира во образование и обука на персоналот. Оттаму бараат институциите да воведат механизми што ќе го спречат „откупувањето“ на стручното кадар од приватниот сектор и ќе го заштитат јавниот здравствен систем.