Кандидатката за претседател на Македонија од ВМРО-ДПМНЕ, Гордана Силјановска Давкова од централниот митинг во Струмица порача дека кризата ќе заврши кога владејачката гарнитура ќе си замине и ќе дојдат луѓе на тие позиции кои заедно ќе работат и ќе водат политики од национален, граѓански и државен интерес. Според Силјановска Давкова, Македонија е држава на несреќни граѓани но таа, како што рече, верувала дека се уште постои надеж и причини за среќа.
