Гордана Силјановска Давкова поднесе кандидатура за кандидат за претседател на Македонија од ВМРО- ДПМНЕ, засега докторката по уставно право е единствена која поднела кандидатура, а рокот завршува во текот на денешниот ден.
Интегрален текст од соопштението на ВМРО-ДПМНЕ:
Во врскаа со Јавниот повик за избор на кандидат на ВМРО-ДПМНЕ за претседател на Република Македонија ја информираме јавноста дека крајниот рок за поднесување на пријава истекува денес.
На истиот се пријави проф-др Гордана Силјановска-Давкова која поднесе план, програма за работа и потребен број на потписи на делегати.
Гордана Силјановска-Давкова била професорка по Уставно право и Политички систем на Правниот Факултет Јустинијан Први. Таа е експерт за избори на ООН и потпретседател на групата Независни експерти за локална самоуправа при Советот на Европа. Член на Венецијанската комисија. Автор е на стотина научни трудови за уставното право и политичкиот систем.
Таа е актуелен пратеник во Собранието на РМ.
За нејзината кандидатура ќе се одлучува од страна на делегатите на Конвенцијата за избор на кандидат за претседател на РМ која ќе се одржи на 02 март 2024 година.
