По четири години неизвестност и тапкање во место со градба, до крајот на летото штипјани, конечно ќе го добијат затворениот базен кадешто децата ќе ги имат првите часови за пливање. Процесот е веќе откочен и веднаш штом ќе дозволат временските услови, ќе се стартува со градежни активности. Министерот за спорт, Борко Ристоски, најави дека во првата фаза ќе се дозавршат пет, а потоа ќе се почне со преговори да бидат изградени уште останатите десеттина планирани базени во Македонија.
„Тие базени беа почнати пред четири години. Успеавме да го откочиме тој проблем. Најпрвин тие пет базени ќе ги завршиме до летово, ќе ги пуштиме во употреба, а потоа за останатите десеттина ќе почнеме да преговараме за да ги завршиме и тие. Овде влегува и штипскиот и верувам дека дои крајот на летотот и тој ќе биде пуштен„ изјави министерот за спорт, Борко Ристески.
Темелите на штипскиот затворен базен, беа поставени во февруари 2020, со ветување дека наредната година ќе биде готов. Но наместо модерен спортски објект, Штип доби комплекс обраснат со трња и опколен со жица и лим. Најавите на министерот, дека конечно Штип ќе добие затворен базен, го поздравија и граѓаните.
„Многу убаво! Дај боже да се изгради! Ако се направи базенот тоа ќе значи препородување на градот. Младите ќе има каде да спортуваат и рекреираат„ коментираат граѓаните.
Проектот изградба на 14типски базени помпезно беше најавен во 2019 и истите требаше да бидат со должина од 25метри и ширина од десет метри. Досега сите базени се изградени од 20 до 30%.
Александра Ристевска
