Избрана е компанијата што ќе го инсталира софтверскиот систем за целосна контрола на водоводната мрежа во Штип. На 35 позицици ќе бидат поставени дигитални контролори кои ќе детектираат дефекти во водоводната мрежа, како кражби и диви приклучоци. Скада системот, вреден околу 600.000евра, е финансиран преку вториот владин повик од унгарскиот кредит и се очекува да почне со работа најдоцна до пролет.
„Преку овој систем ќе се има целосен електронски увид на водосостојбата во мрежата за водоснабдување„ изјави градоначалникот на Штип, Иван Јорданов.
Поради дотраената мрежа и дивите приклучоци се губат околу 60% од питката вода се губи, што на штипски Исар, му носи годишни загуби од околу 2,5милиони евра.
„ По завршување на овој проект очекуваме да се подобри и финансиската состојба на комуналното претпријатие како и водоснабдуваањето бидејќи самиот систем предвидуваа електронски, дигитално да се контролира протокот на вода во водоводната мрежа„ изјави Иван Јорданов, градоначалник на Штип.
До пролет Штип, целосно ќе го реши и нормализирањето на водоснабдуваањето, сериозен проблем посебно за жителите кои живеат во повисоките населени места. Двата нови резервоари Пребег и Мери веќе се изградени. Останува цефководно да бидат поврзани, по што ќе се стават во функција.
