Тага, болка и непребол во очите на родителите, роднините и пријателите на 62 млади луѓе, кои пред точно шест месеци загинаа во пожарот во дискотеката Пулс. Тивко марширајќи по кочанските улици тие, уште еднаш побараа одговорност од сите оние кои со своите постапки придонеле да се случи страотната несреќа која државата ја зави во црно. Марш на ангелите има и во Скопје.
„Нашите деца никогаш повеќе нема да се вратат. Но, вистината да ја урламе гласно-дека Деко и Михаил се директно одговорни, а секој политичар што ги штител има крв на рацете. Бараме одговорност. Бараме вистина. Бараме правда за нашите деца. И ќе продолжиме да зборуваме се додека секој што со своето молчење придонел за оваа трагедија не биде изведен пред лицето на правдата„Светлана Стојанов, мајка.
„Ако сакаме ова никогаш д не се повтори , мора да бараме промена. Оваа трагедија не е само на семејствата кои изгубија, ова е трагедија на целат земја. ДА ја претвориме оваа болка во сила. Во сила за промена, во сила за правда, во сила за иднината во кој младите нема да одат во клубови, што стануваат гробници„ порача Васка Лазарова, мајка.
Шест месеци подоцна Кочани, е се уште епицентарот на болката. Неговите жители продолжуваат да живеат со последиците, испраќајки силна порака за солидарност и човечност. Многумина се борат да изградат нов живот без своите чеда, а други минуваат низ долги процеси на лекување и рехабилитација
По половина година од трагедијата во Кривичниот суд во Скопје, поради преобеноста на случајот се уште нема закажано судско рочиште. Се уште се чека проценката на обвинителниот акт во Судот. Според Обвинителството, причина за големиот пожар се пиротехнички матрејали кои запалиле дел од таванот на дискотеката. Пламените јазици брзо се прошириле, а младите луѓе немале доволно време за да излезат, бидејќи имало само еден влез. Во дискотекта имало околу 600 иако локалот имал капацитет за 250. Најголем дел од починатите се на возраст од 24 и 26 години. 31 од нив биле деца. За случајот Пулс, Обвинителството отвори две истраги. Едната против 34 луѓе и три правни лица, а втората за 27 полициски службеници.