Реклама

Модернизација и дигитализација за поконкурентно земјоделство

Аларм од надлежните дека опасна онлајн група демне деца и кај нас во Македонија

Пензионерите на нозе – бараат отчет и смена на Трајкова за која тврдат дека е нетранспарентно избрана на функцијата

„One Stop Shop“ на Ќафасан за забрзано движење меѓу Македонија и Албанија

Митовски ги исполитизира и кравите – Советниците од ВМРО-ДПМНЕ бараат решение за проблемот

Мицкоски: Коридорот 8 ќе биде целосно завршен во 2029-та, автопатот Кичево-Охрид во вториот квартал од 2027-мата година

Хаос и протести наместо решение – Митовски не го прифаќа акцискиот план на ВМРО ДПМНЕ за проблемот со кравите

Избрана фирма која ќе го подготви проектот за решавање на депонијата Буково

Капиталните проекти со реализација од 70% – Владата гради, но и враќа стари долгови наследени од претходната власт

Во Македонија подобро се живее од пред три години, кога власта ја водеа СДСМ и ДУИ

Мицкоски: Алта банка ќе се продаде, сите шпекулации и невистини на опозицијата паднаа во вода

Домот за стари лица во Прилеп со нови идеи за подобрување на условите за своите штитеници

Македонија

Седум пријави за семејно насилство во изминатото деноноќие, три лица лишени од слобода

Во изминатото деноноќие на подрачја на повеќе градови во државата евидентирани се…

Сподели:
Фото: Алфа Вести

Во изминатото деноноќие на подрачја на повеќе градови во државата евидентирани се вкупно седум пријави за семејно насилство, при што три лица се лишени од слобода, соопшти Министерството за внатрешни работи.

Како што соопштуваат од Министерството за внатрешни работи, вчера, во село во струмичко, полициски службеници од СВР Струмица лишиле од слобода 34-годишен жител и 29-годишна жителка на селото. Претходно, 29-годишната жена пријавила дека во нивниот дом била физички нападната од нејзиниот сопруг, додека подоцна и сопругот пријавил дека бил нападнат од неговата сопруга. Двете лица се задржани во Полициската станица Струмица, а за настанот е известен јавен обвинител од Основното јавно обвинителство Струмица. По целосно документирање на случајот ќе бидат поднесени соодветни поднесоци.

Полициски службеници од ОВР Кавадарци, вчера во 17:05 часот лишиле од слобода 41-годишен жител на Кавадарци, по претходна пријава според која на неговата 46-годишна партнерка не ѝ дозволувал да го напушти домот, се заканувал и ја влечел за рака. Лицето е задржано во полициска станица, за настанот е известен јавен обвинител и по документирање на случајот ќе биде поднесена соодветна пријава.

Реклама

Семејно насилство е пријавено и во ОВР Кичево. На 15 март 2026 година, во 01:47 часот, пријавено е дека З.Р. од кичевско село физички ја нападнал неговата сопруга. По целосно расветлување и документирање на настанот против него ќе биде поднесена соодветна пријава.

Во СВР Скопје на 15 март, во 03:00 часот, 84-годишна жена пријавила дека на 14 март 2026 година, во нивниот дом на подрачјето на Бит Пазар, била физички нападната од нејзиниот сопруг М.Б. (87) од Скопје, кој имал здравствени проблеми. Се преземаат мерки за расчистување на случајот.

Во 04:00 часот, 52-годишна жена пријавила дека на 14 март 2026 година, во дом на подрачјето на Кисела Вода, била физички нападната од нејзиниот сопруг В.А. (57) од Скопје. Се преземаат мерки за расчистување на настанот.

Во Прилеп, пак, вчера исто така во 20:10 часот, 25-годишна жителка пријавила дека била физички нападната од нејзината свекрва. Се преземаат мерки за расчистување на настанот.

Претходно, на 14 март 2026 година во 12:30 часот, 34-годишен маж пријавил дека на 13 март 2026 година, во дом на подрачјето на Кисела Вода каде престојувала неговата партнерка В.А., бил физички нападнат од неа. Се преземаат мерки за расчистување на случајот.