Претпладнево автомобил се запали и изгори во центарот на Скопје, спроти Клинички центар. Засега не се познати причините за опожарувањето, а на лице место веднаш излегаа екипи на полицијата и противпожарната бригада.
„Денеска во 09:50 часот во СВР Скопје било пријавено дека на ул. „Владимир Назор“ во Скопје настанал пожар во патничко возило „Цитроен Ксара“ со скопски регистрациски ознаки, во движење, управувано од М.Г. од Скопје.
Од пожарот било зафатено и патничко возило „Фиат Пунто“ и фасада од зграда. Од екипа на бригадата за противпожарна заштита Скопје пожарот бил изгаснат, а повредени лица нема“, велат од МВР.
