СДСМ избра нови членови на раководните тела на партијата

СДСМ избра нови членови на раководните тела на партијата. За членови на Централниот и Извршниот одбор се избрани Соња Стаменкова, Слободен Чокревски, Богданка Кузеска, Тања Илијовска и Рубин Земон. Андреј Жерновски е именуван за нов секретар за меѓународна соработка, Зоран Трифуновски, поранешен директор на Македонски железници – инфраструктура, ја презема функцијата втор организациски секретар, а Александар Давчевски е поставен на чело на Градската организација Скопје по оставката на Ѓорѓи Галетановски. Партијата најави дека на 7 јуни 2026 година ќе се одржи 32. конгрес на СДСМ, кој ќе има исклучиво програмски карактер. Основата за новата програма е „предлог-платформата“ презентирана од Венко Филипче, која треба да помине низ широка дебата со членството.