А СДСМ обвинува дека четири месеци министерот Панче Тошковски и директорот на БЈБ Александар Јанев се обидуваат да ја прикријат одговорноста за трагедијата во Кочани, штитејќи полициски функционери поставени од ВМРО-ДПМНЕ.
Од партијата велат дека полицијата не постапила законски, бидејќи дозволила работа на нелегален објект и не спречиле внес на пиротехника. „Јанев е кривично одговорен, а Тошковски носи политичка и морална одговорност. И двајцата мора да поднесат оставки за да не ја попречуваат истрагата“, велат од СДСМ. Опозицијата повика Јавното обвинителство да постапува непристрасно и да не штити ниту еден функционер.
