Премиерот на Гренланд, Мути Егеде, изјави дека островот сака блиски односи со САД и Данска, но до одредена граница. „Жителите на Гренланд не сакаат да бидат Данци, ниту пак Американци“, рече Егеде во интервју за Фокс Њуз. Изјавата на премиерот на Гренланд доаѓа по јасно изразениот интерес на Доналд Трамп да ја преземе контролата врз островот, кој има стратегиска позиција и е богат со ресурси.
Егеде рече и дека Гренландјаните би избрале независност, доколку имаат можност да гласаат на референдум. Доколку оваа данска територија постигне независност, Егеде посочи дека Гренланд би останал дел од НАТО и би одржувал силно партнерство со САД и ЕУ.
