Поради недостаток на кадар туристичкиот сектор тоне, македонските туристички центри принудени се да импровизираат со неквалификуван кадар. Сопствениците на хотелско-угостителските објекти кои очекуваа улогата на келнери и кувари да им ја доверуваат на странци,извисија.Добар дел од персоналот кој им стигна од Јужна и Југоисточна Азија,дојде и замина во Европа.Експертите по туризам од почеток имаа негативен став околу носење на странски кадар,се обистинија нивните укажувања дека ова не само што нема да го реши проблемот,туку ќе отвори нови рани.
”Не е работата само да се решаваат ад хок стихијно проблемите, треба да се пристапи кон темелно решавање на овој стравичен проблем бидејќи сведоци сме дека Република Македонија не е веќе преку 2 милиони жители ,туку 1,8. Таа тендеција оди во негативен тренд,имаме пораст на иселувањата.Да направиме атмосфера тие идни генерации да се чувствуваат лагодно во својата кожа”-вели проф.Климент Наумов-Ф.Т.У, Охрид.
“Ако немаме доволно квалификуван кадар тогаш најчесто се случува многу ресторани да стават клуч на врата. Тоа го има и во Хрватска,каде доаѓа кадар од Македонија.Сопствениците на угостителските објекти треба да ги платат добро луѓето. Јас своевремно кога работев во Загреб во еден хотел земав поголема плата од генералниот директор”-вели Стево Карапанџа.
Туристичкиот сектор се покажа дека е прилично нестабилен,бидејќи секој мисли дека може да има хотел или ресторант, а некој да му аргатува за без пари.Поради тоа, голем дел од младите се обидуваат својот работен капацитет да го продадат на пазарите во регионов. Во секорот туризам во Македонија беа вработени околу 25.000 луѓе,но последниве години,повеќето од нив заминаа на работа во странство.
„Мојата порака е останете во својата земја, сакајте ја вашата татковина. Македонија ве образува, ја чините оваа земја скапо, останете тука како ние во нашите земји“.-вели Драгица Лукин од Хрватска.
Хотелиерите имаат потреба од илјадници вработувања,лани дури над 30 хотели од Охрид и Струга пријавиле недостаток на персонал.
Росица Голабоска
