„Ja добив петицијата од сите спортски чинители во Прилеп за решавање на големиот проблем со салите и нивната функционалност и воедно се обврзавме како министерство да во најкус можен рок да ги решиме проблемите и да ја ставиме во функција салата “Тутунски”, информираше министерот за спорт Борко Ристовски.
Во однос на спортската сала Македонија приватните концесионери кои управуваат со оваа сала ќе бидат под постојан и внимателен надзор.
„Нашата цел е да обезбедиме најдобри услови за спортистите и граѓаните кои ја користат оваа сала. Доколку концесионерите не ги исполнуваат своите обврски и не ја одржуваат салата според договорените стандарди, ќе преземеме соодветни мерки и договорите ќе бидат раскинати. Ветувањата имаат вредност само ако ги исполнувате“, порача Ристовски.
