Во Скопје денеска и утре ќе се одржи Регионален форум на локално лидерство за млади, мир и безбедност, на кој ќе учествуваат градоначалници и млади луѓе од целиот регион.
Форумот се организира во рамки на проектот „Млади за инклузија, еднаквост и доверба“, а во фокусот ќе бидат унапредувањето на младинското учество во локалните заедници и вклучувањето на младите во процесите поврзани со мирот и безбедноста.
На отворањето на форумот е најавено обраќање на градоначалникот на Скопје, Орце Ѓорѓиевски, министерот за социјална политика, демографија и млади, Ѓоко Велковски, извршниот директор на НАЛАС, Келменд Зајази, постојаната координаторка на Обединетите нации, Рита Колумбија, и постојаниот претставник на УНДП, Армен Григорјан.
