Возраста, хроничните заболувања, и тешката форма на Западно нилската треска го прават посилен ударот на инфекцијата кај машката популација. Според епидемиолзите со возраста расте ризикот од тешка форма на болеста, особено кај луѓе кои веќе имаат други здравствени проблеми како хронични бубрежни и кардиоваскуларни заболувања. Фактот што сите седум досега починати во Македонија се мажи е податок кој заслужува анализа, но не и причина за паника вели д-р Сашо Олумчев.
Докторите оценуваат дека најважни во превенцијата од Западно нилска треска остануваат мерките – заштита од комарци, избегнување непотребен престој на отворено во периодите кога тие се најактивни и навремено јавување на лекар доколку се појават посериозни симптоми.
Досега, во Македонија од Западно нилска треска починаати се седум луѓе – сите мажи и се постари од 60 години. Во моментот на болничко лекување на Инфективна има 9 пациенти, тројца се во критична состојба. Од почетокот на епидемијата, 38 лица се излекувани и пуштени дома. Во земјава вкупно се регистрирани 56 случаи на Западно-нилска треска. Од нив, 44 се мажи, а 12 се жени.
