Расте бројот на случаи со Ковид-19. Регистрирани се нови 271 позитивни пазциенти за изминатата недела, покажуваат податоците на ИЈЗ. Бројот на заболени, за разлика од претходната недела е зголемен за 60%.Најголем дел од случаите се од Скопје, Кавадарци, Тетово и Охрид.Во текот на минатата недела има и еден починат станува збор за човек над 60 години.
Здравствените власти со апел до граѓаните да ги почитуваат препораките, да не се собираат во поголеми групи и редовно да ја одржуваат хигиената. Надлежните уверуваат дека простор за паника засега нема, повеќето случаи се асимптоматски или со многу лесни симптоми.
“Пациентите што се третираат на клиниките од одредена болест, а во меѓувреме се инфицираат и со ковид, препораките се да продолжат со лекување во истата клиника, конзилијарен инфектолог да даде препорака за дополнителна терапија доколку треба. Повеќето пациенти очигледно го поминуваат асимптоматски или со многу лесна форма на симптоми” – рече министерот Арбен Таравари.
Лекарите апелираат граѓаните особено кога посетуваат здравствени установи, при посети на болни, и во јавен транспорт да користат заштитни маски. Комисијата за заразни болести потврди дека во државата е регистриран раст на бројот на заболени од ковид. Тие ги потсетуваат граѓаните да ги почитуваат мерките за превенција. Меѓу препораките се избегнување групирање и подолг престој во затворени простории, и контакти со заболени лица.
Освен општите препораки, најефикасен начин за заштита од тежок облик на болеста останува вакцинацијата.
