Расте бројот на луѓе заболени со мултипла склероза. Македонија припаѓа во државите со висок ризик, и во моментов во државата има повеќе од 2.200 болни.
Од здружението на пациенти со МС алармираат дека раната дијагноза и следење на болеста, но ограничен пристап до соодветна терапија се главните предизвици за нив. А најголем проблем им претставува достапноста на терапијата, за која како што велат – не можат да ја примаат во местото каде живеат и мораат да патуваат во Скопје.
Од Фондот за здравство велат дека е зголемен буџетот на Клиниката за неврологија и со тоа е овозможено да се третираат поголем број на пациенти со МС.
Здружението „Мобилност Скопје“ и Националниот сојуз на лицата со телесен инвалидитет на Македонија денеска маршираа со цел да го одбележат 30-ти мај светскиот ден на МС.
Од Министерството за социјална политика велат дека во моментов приоритет на Владата е да се подигне јавната свест и зајакнување за еднакви права на сите граѓани.
