Академијата за судии и јавни обвинители „Павел Шатев“, Судскиот совет на Македонија и Управата за извршување на санкции при Министерството за правда на Македонија, денеска во просториите на Академијата ќе одржат работен состанок посветен на темата „Пробација и условен отпуст“.
Како што соопштија од Академијата за судии и јавни обвинители, на состанокот ќе присуствуваат претседателите на кривичните оддели од апелационите судови во земјава, претседателите на основните судови и судии што работат на условен отпуст.
Присутните ќе ги поздрават: директорката на Академијата за судии и јавни обвинители, јавната обвинителка Ирина Трајкоска Стрезоски, Александар Камбовски, претседател на Судскиот совет на Македонија и Александар Пандов, директор на Управата за извршување на санкции при Министерството за правда.
