Рускиот Претседател Владимир Путин, изјави дека употребата на ракети на западните земји за напади на руска територија, означува ескалација која вклучува елементи на глобален конфликт поради што е употребена нова балистичка ракета при напад на Украина.
Путин предупреди дека западната одбрана е немоќна да ја запре новата ракета која тој ја нарече „орешник“ и дека може да се користи за напад на секој украински сојузник чии проектили биле користени за напад на Русија.
За украинскиот Претседател Володимир Зеленски, тоа е доказ дека Русија нема намера да побара мир и ги повика западните партнери на поостра реакција.
