Рускиот претседател Владимир Путин оваа недела ќе собере повеќе од 20 шефови на држави за да го покаже зголеменото влијание на незападниот свет, но и дека изолацијата поради војната во Украина не делува.
Рускиот град Казан, од денеска до 24 -ти октомври ќе биде домаќин на Самитот на Брикс, блок формиран од Бразил, Русија, Индија, Кина и Јужна Африка, на кој во меѓувреме му се придружија и Египет, Етиопија, Иран, и Обединети Арапски Емирати, а поканета е и Саудиска Арабија. Нациите од Брикс претставуваат 45 проценти од светското население и 35 отсто од глобалната економија, иако половина од економската моќ отпаѓа на Кина. Русија се обидува да ги убеди членките на Брикс да изградат алтернативна платформа за меѓународни плаќања која би била имуна на западните санкции.
