Пуч ѝ се спрема на претседателката на ЛДП Моника Зајкова од незадоволни членови коишто најавија формирање на иницијативен одбор за вондреден конгрес на партијата. Тие бараат промена на раководството бидејќи според нив во последно време врвот на партијата води пазарциска политика. Бобан Бојковски од општинската организација од Куманово вели дека раководството ги повредило основните демократски постулати на работа.
Зајкова веднаш свика прес-конфернција, го собра членството на пратијата позади себе и им одоговори. Незадоволните членови од ЛДП, да не бидат бучни бадијала, а да немаат конкретни предлози за партиски интерес. Обвинувањата на Бобан Бојковски според неа се поради личен, а не колективен интерес на партијата“, рече Бобан Бојковски, од Општинска организација на ЛДП Куманово.
„Додека Моника Зајкова е претседател, а ќе биде уште најмалку 2 години, ЛДП ќе остане доследна на своите програмски принципи по кои е препознатлива и ценета. Како што не дозволив никој да ми врши влијание да дадам поддршка на измените на Кривичниот законик, на специјалнот закон без да го знам договорот за Бехтел и Енка, како што не дозволив ни да ми го сменат ставот за Законот за игри на среќа, така нема да дозволам и сега закани и уцени нити за Законот со кои се намалуваат банкарските провизии. Нема да престанам под никакви закани да се борам европската пракса да биде применета и во Македонија, односто енормните трошоци да останат таму каде припаѓаат – во џебот на граѓаните“, изјави претседателката Зајкова.
Во меѓувреме, Зајкова со општинските организации на ЛДП подготвува конкретна стратегија за подобри резултати на претстојните локални избори. Таа упати апел за смирување на страстите на членството и обединување во партиските редови. Според неа на поголемите партии им прешло во навика да ги копираат добрите предлози и решенија на ЛДП, па заради членовите треба да бидат тивки и внимателни.
Таа не ја исклучува можноста за идно коалицирање со некои од поголемите партии, сепак како што рече, за тоа ќе одлучувало раководството.
