Со пристигнување на патниците од Истанбул денеска на охридскиот аеродром „Свети Апостол Павле“ ќе биде означен почетокот на новата авионска линија помеѓу Истанбул и Охрид.
Ова е првиот лет на директната линија на авиокомпанијата „Туркиш ерлајнс“, која од денеска започнува да лета од Истанбул до охридскиот аеродром „Свети Апостол Павле“.
Според претходните најави, летовите на линијата Истанбул – Охрид ќе се одвиваат четири пати неделно, во понеделник, четврток, петок и недела. Турската авикомпанија ќе користи авиони од моделите „Ербас А321“, „Боинг 737-800“ и „Боинг 737-900“ од својата флота за оваа линија.
На денешниот настан на охридскиот аеродром се очекува присуство на премиерот Христијан Мицкоски, вицепремиерот и министер за транспорт Александар Николоски, главниот извршен директор на „ТАВ Аеродроми“, Серкан Каптан, главниот извршен директор на „Туркиш ерлајнс“ Билал Екси и турскиот амбасадор Фатих Улусој.
