Граната од Првата светска војна била пронајдена во општина Дојран. Како што информираа од Министерството за внатрешни работи, вчера во 18 часот во Полициското одделение – Нов Дојран, Б.А., 53-годишник од село Сретеново, општина Дојран, пријавил дека во близина на неговото дворно место, пронашол граната.
– Гранатата е подигната денеска од пиротехничар од Дирекција за заштита и спасување, при што е утврдено дека се работи за артилериска граната калибар 100 милиметри, што потекнува од Првата светска војна, соопштија од МВР.
