Промовирана најновата книга на Стојков: „Многуимените други – Македонија, пресечна точка на другоста на средновековниот Балкан“

На Факултетот за образовни науки при Штипскиот универзитет беше промовирана книгата „Многуимените други – Македонија, пресечна точка на другоста на средновековниот Балкан: Идентитетски јазли“ од професорот Стојко Стојков. Авторот посочи дека книгата почнал да ја пишува во 1999 година, а низ неа се обработуваат прашања поврзани со идентитетите на словенските народи на Балканот. Во делото се анализираат клучни прашања за влијанието на една моќна империја како Византија, но и Бугарското Царство. Според авторот, сите аспекти опфатени во книгата се истражени со современ научен пристап и врз основа на релевантни историски извори.