Штипската полиција поднесе кривична пријава против двајца струмичани, на возраст од 23 и 37 години, и нивна 60-годишна сограѓанка, поради сомнение за сторено кривично дело „грабнување“. Пред два дена, во беровското село, полициски службеници ги привеле тројцата, постапувајќи по пријава од жител на Делчево дека од семејниот дом, со употреба на сила, ја зеле 32-годишната вонбрачна сопруга на неговиот син, и со автомобил со струмички таблички, заминале од местото. Вчера, тројцата струмичани биле изведени пред судија на претходна постапка, при што на двајца им бил одреден 30-дневен притвор, а 60-годишната жена е испратена во домашен притвор.
