Судскиот совет ја повика претседателката на Врховниот суд Беса Адеми на средба со членовите за, како што се посочува, последните случувања и објавени написи во медиумите за политички притисоци врз судиите во највисокиот суд.
„Во последните неколку дена во медиумите се објавени повеќе написи за политички притисоци врз судиите на Врховниот суд, реакции на политички партии, како и интервјуто на претседателката на овој суд, Беса Адеми, сметаме дека е неопходно да ја информираме јавноста дека евентуалното вршење на притисоци од каков било вид судиите, е недозволиво и крајно загрижувачко, истакнаа од Судскиот совет.
Адеми во интервју за СДК тврдеше дека постојат ситуации на обиди за директно мешање на политиката и на другите власти, поради реализација на агенди кои не се во корелација на владеењето на правото и на надлежностите на судската власт.
По тој повод, Судскиот совет испрати писмена покана до Адеми за работна средба денеска во 11 часот во просториите на Судскиот совет.
