Правдата за најголемата трагедија што и се случи на Македонија, пожарот во кочанската диксотека „Пулс“, ќе стигне бавно, со оглед на инертното однесувње на Обвинителството за гонење на организиран криминал и на Кривичниот суд.
Нема обвинение за полицајците, ниту датум кога ќе почне да им се суди на обвинетите за кобниот пожар, додека родека родителите на трагично загинатите секој викенд протестираат и бараат што побрзо надлежните да си ја сносат одговорноста.
Од Обвинителството за гонење организиран криминал и корупција велат дека се уште собираат доказите, иако поминаа шест и пол месеци. Во оваа истрага има 23 осомничени.
Активно се постапува и се анализираат прибраните докази. Во однос на времетраењето на истражната постапка за секој од осомничените поединечно, надлежното јавно обвинителство презема дејствија во предвидените законски рокови, инфомираат од Обвинителството за гонење на организиран криминал..
Инаку, првата наредба за спроведување истрага во Обвинителството за гонење организиран криминал и корупција е отворена три дена по трагедијата, односно на 19 март. Истрагата се води за тешки дека против предизвикување на општа опасност, но, можно е да има евентуална промена на делото
Додека Обвинителствто собира и анализира докази за полицајците, во соседната зграда, во Кривичниот суд се праќаат покани до странките и мака мачат да го закажат судењето. Велат има многу обвинети, а кога ќе го имале датумот, ќе и соопштеле на јавноста.
Кога ќе биде насрочена расправата странките и јавноста ќе бидат веднаш известени, секако терминот за расправа ќе биде објавен и на веб страната на судот, потребо е да се има предвид дека се работи за предмет со 37 обвинети 33 бранители и голем број на оштетени на кои треба да им се достави покана, информираат од Кривичен суд.
Акмис системот во Кривичниот суд ја одбра судијката Диана Груевска Илиевска да го суди предметот „Пулс“. Илиевска е позната по повеќе високопрофилни случаи кои ги судела, како што е трагедијата кај Ласкарци, случајот за новинарот Томислав Кежаровски, предметот „Сопот“, убиството на Ангел Петковски во Ѓорче Петров, но и случајот „Поткуп“ каде обвинет беше Зоран Заев, а потоа ослободен од обвинението.
