Собранието денеска ќе ја одржи 82. седница со единствена точка на дневен ред – поставување пратенички прашања.
Вообичаено, овие пленарни седници се одржуваат секој последен четврток во месецот.
Согласно Деловникот, прашања до премиерот и министрите први поставуваат пратениците од опозицијата.
Според новиот Деловник, од 21 ноември лани еднаш месечно се одржува и седница за пратенички прашања од опозициските пратеници и трае два часа.
Претседателот на Собранието, Африм Гаши денеска ќе одржи неформална средба со претставници на медиумите, на која ќе се разговара за тековните и идните активности на законодавниот дом.
Гаши денеска ќе оствари средба и со австрискиот амбасадор Мартин Памер.
