Пожар ја зафатил кровната конструкција на напуштени објекти во поранешната касарна „Христијан Тодоровски Карпош“ во населбата Бедиње во Куманово, информираа денеска од Регионалниот центар за управување со кризи Куманово. Три противпожарни екипи и шест пожарникари интервенирале вчера, работeјќи повеќе од два часа на локализирање на пожарот.
Објектот кој бил зафатен од пожарот се наоѓал во внатрешноста на поранешната касарна.
На теренот на поранешната касарна во Куманово, на површина се наоѓаат две училишта, моментално се гради гимназијата „Сами Фрашери“, а лоцирани се и подрачни единици на државни институции.
Покрај тоа, вчера пожарникарите интервенирале и за гаснење на запален оџак во село Доброшане, како и на запалена сува трева во селата Табановце и Косматац.
