Поради интензивните врнежи од дожд, зголемен е водостојот на реката Вардар, особено кај Јегуновце и кај Демир Капија, но засега нема опасност од поплави.
Исто така, зголемени се водостоите и на реката Треска кај Македонски Брод, Пчиња кај Катлановска Бања и Сатеска кај Ботун. Сепак, според Управата за хидрометеоролошки работи, не сите реки бележат позитивен тренд. Црна река кај Новаци, Пчиња кај Пелинце и Крива река кај Крива Паланка покажуваат намалување на нивото, под просекот за ноември.
Според податоците од УХМР, нивото на водата во Дојранското, Преспанското и Охридското езеро е стабилно и во рамките на просечните вредности за месец ноември.
