Нови избори, стара школа. Ковачевски продолжува по стапките на неговиот претходник Заев. Црна кампања и оцрнување на политичкиот противник.
Според дел од познавачите, ваквата состојба е резултат на безидејноста на социјал-демократите кои во изминатите години власт ги разочараа мнозинтсвото од граѓаните со своите политики, па сега во обид за глас плус, не нудат остварливи проекти туку се занимаваат со ВМРО-ДПМНЕ и како да им одземат гласови.
Новинарот Дарко Јаневски вели дека во ситуација каде во Македонија народот живее во беда и мизерија, политичките партии треба да се заминаваат со подобрување на животниот стандард, а не со ветар и магла. Според него, во кампањата на СДСМ може да очекуваме уште повеќе нападни и лажни вести и неостварливи верувања.
Кога таква е ситуацијата надвор, на СДСМ не му останува ништо друго, освен на една страна да ветува морков, со тие свои ветувања за зголемување на платата која што не значи ништо бидејќи не може да го стигне поскапувањето на животот. А од друга страна да се занимава преку своите скапо платени новинари со црна кампања и оцрнување на противникот и тоа да го прави преку порталите и преку социјалните мрежи, преку нивнтие ботови, вели Дарко Јаневски – новинар.
Јаневски вели дека СДСМ ја промашиле кампањата, и што и да направат веќе е доцна бидејќи се соочуваат со веројатно најголемиот пораз во нивната историја. А анкетите тоа јасно го покажуваат.
Во услови кога 650 000 луѓе живеат со 150 денари на ден, а останатите со 170 оние кои земаат околу минималната плата, тоа треба да биде клучниот момент кој ќе се истакува во кампањата, луѓето тоа и го очкеуваат, вели Дарко Јаневски – новинар.
Според Јаневски клучната разлика во кампањите на СДСМ и ВМРО-ДПМНЕ, е што едните тераат црна кампања, а другите се концентирираат на промовирање на програма.
А дека тешко се живее во Македонија и дека тоа ќе и се удри од глава на партијата која 7 години беше на власт заедно со ДУИ, говорат и последните податоци дека како последица на лошата живеачка е намален животниот век, кој во 2018 година бил 75 години, а сега е 72,3 години. Според Јаневски ова практично значи дека лошите политки дирекно се отсликуваат врз животот на граѓаните.
