Полицаец која работел како обезбедување на домот на поранешниот премиер, Зоран Заев заработи кривична пријава затоа што пред неколку денови пукал од службениот пиштол, а случајот не го пријавил на надлежните.
Одделот за внатрешна контрола изготвило предлог за утврдување на дисциплинска одговорност, а обвинителството поднесе кривична пријава против полицискиот службеник Т.А. помлад полицаец во полициската станица во Струмица за сторено кривично дело „предизвикување на општа опасност“. Тој веднаш бил отстранет од работното место се до завршување на дисциплинската постапка. Според МВР, пријавениот на 29 јуни околу 6 часот, го напуштил работното место како обезбедување на домот на поранешен премиер, заминал на улица „Бетовенова“, каде се сретнал со лицето А.Е., брат на Е.Е. со кои претходно биле договорени да остварат средба и додека разговарале пријавениот полицацец Т.А. во еден момент со службен пиштол испукал неколку пати, со што предизвикал значителна опасност за животот и телото на луѓето.
Притоа, тој не го пријавил настанот, повторно се вратил на работното место и по завршувањето на смената, се раздолжил со опремата и си заминал. Воедно, тој се обидел да делува за прикривање на настанот преку неговите колеги, полициски службеник П.П. и С.Д. кои по поднесена пријава од страна на граѓани биле испратени од страна на СВР Струмица на местото на настанот.
Прикривањето на било пријавено од нивна страна. За споменатите полициски службеници, доставен е предлог за утврдување дисциплинска одговорност.
