Македонија може да служи како модел за другите за промовирање на културата и менталитетот на заедничко живеење. Демократска држава каде што генерално се почитуваат политичките слободи, вклучувајќи ги и правата на слобода на здружување, собирање и изразување, како и медиумскиот плурализам. Ова стои во оценките на коизвестувачите на Парламентарното Собрание на Советот на Европа Сибел Арслан и Џозеф О’Рајли.
-Македонија е мултиетничка, мултикултурна и мултиконфесионална земја и може да послужи како модел за другите земји во промовирањето на културата и менталитетот на „заедничко живеење“. Ги повикуваме властите да продолжат на овој пат и да преземат понатамошни мерки за почитување на идентитетот, правата и потребите на сите етнички групи, велат од ПССЕ.
Арслан и О’Рајли упатуваат позитивни пораки и за посветеноста за реформи во правосудството, борбата со корупцијата, слободата на медиумите и правата на малцинствата. Го поддржуваат и евроинтегративниот пат на Македонија. Сепак ти оценуваат дека постои загриженост поради „бројните обвинувања за политизација на судството и широко распространета корупција низ целиот јавен сектор“, како и поради „недостиг на ефикасни мерки за борба против овие феномени“.
-Во меѓувреме, целосно ја поддржуваме кандидатурата на земјата за членство во ЕУ и ги повикуваме сите политички партии да најдат компромис за спроведување на „францускиот предлог“ со вклучување на бугарското етничко малцинство во Уставот, велат од ПССЕ.
Арслан и О’Рајли минатава недела бе во Македонија, остварија средби со собранискиот спикер Африм Гаши, претставниците на сите пратенички групи, министерот за внатрешни работи Панче Тошковски, првиот дипломат Тимчо Муцунски и со низа други претставници од правосудниот сектор.
Матеја Петровски
