Одливот на медицински кадар може да се сопре само со подобрување на условите за младите лекари. Според лекарите, треба да се укине приватната специјализација, да се покачат платите и на докторите веднаш по завршување да им бидат обезбедени работни места.
Ова беше посочено на панел дискусијата посветена на подобрување на начинот на организација на специјализантите на Медицинскиот факултет. Владата веќе донесе одлука за вработување на 600 приватни специјализанти, од кои годинава ќе се вработат 300, а до следната година уште 300.
